A Deputación de Pontevedra pon a nosa disposición os Calendarios Competenciais 2021, que inclúen, ao longo do vindeiro, ano propostas de aprendizaxe e actividades como, procura de tesouros, cine en familia, lecturas recomendadas para adultos e alumnado, educación ambiental, musical, en valores...
Calendario Competencial E. Infantil
No mes de setembro solicitamos a participación no Programa ARCO (Accións de Apoio, Reforzo de Competencias e Orientación).
Este programa é cofinanciado polo Fondo Social Europeo e persegue entre outros os seguintes obxectivos:
Esta infografía que se amosa a continuación tenta concienciar das consecuencias do uso abusivo das pantallas.
Estas outras apórtannos unhas nocións básicas sobre o videoxogo Fortnite, e como o abuso de videoxogos e pantallas en xeral, está directamente relacionado cunha baixa capacidade de concentración, de creatividade de imaxinación…
Documentos elaborados pola asociación Érguete
Na web Plena Inclusión atopamos esta guía elaborada por Mabel Vilaescusa, Antonio Márquez e Pernán Goñi con consellos para evitar a fenda dixital e académica, con orientacións para mellorar a accesibilidade do alumnado aos distintos contidos dixitais, con recomendacións de como eliminar barreiras cognitivas do alumnado con discapacidade intelectual... entre outros moitos contidos.
Un recurso que semella imprescindible para unha posible
docencia a distancia que continúe a liña da ensinanza presencial.
Preme na imaxe para acceder á Guía
Hoxe 3 de decembro conmemorase o día da discapacidade e estivemos pensando que a mellor forma de festexalo é cunha sesión de cine.
Aproveitade para ver estas curtas durante a fin de semana.
A rabia é unha emoción que aparece cando percibes que hai unha situación que causa dano ou inxustiza na túa vida, saber xestionala vainos permitir frear e por límites a dita situación afastándonos da mesma ou pedindo que deixen de facer iso que nos causa dor.
A frustración aparece cando non se cumpren as nosas expectativas, é dicir, cando perdes as expectativas dun logro concreto. Aprender a tolerar a frustración é fundamental para o desenvolvemento da personalidade e os adultos debemos acompañar e escoitar nos momentos nos que frustración aparece así como axudar a buscar solucións alternativas que fagan madurar a nenas/os e que estes poidan seguir adiante.
No blog de convivencia do cole este vindeiro mes de decembro facemos unha proposta de actividades para traballar na xestión de rabia e frustración, como adianto podedes ver este vídeo no que un grupo de rapaces e rapazas nos din como inflúen neles esas emocións e como fan cando se anoxan.
Achéganse as festas de Nadal e na web EDUCACIÓN3.0 fixeron unha recompilación dos 90 mellores libros para docentes, botádelle un ollo.
Entendemos a tolerancia como unha cualidade persoal que implica aceptar as opinións, crenzas e sentimentos dos demais, comprendendo que os diferentes puntos de vista son naturais e inherentes a condición humana.
A Tolerancia tamén se traballa e podemos facelo con actividades e dinámicas como estas:
Na web ayudaparamaestros.com atopamos 6 vídeos para traballar a tolerancia que pensamos poden ser de moita utilidade para ver na aula ou na casa.
Internet non pode ser unha excepción, cando navegamos pola rede precisamos rematar cos discursos de odio e apostar polo respecto e a diversidade.
Este documento resume de xeito claro e sinxelo como podemos
ser máis tolerantes cando usamos ás redes sociais ou simplemente facemos uso da
rede.
A empatía é a capacidade de comprender a vida emocional da outra persoa, a capacidade que nos permite observar o que sente, poñernos nos seus zapatos.
A empatía podemos traballala do seguinte xeito:
No seguinte vídeo danos algunhas ideas de como favorecer a empatía
Ser empáticos implica ser receptivo ante as emocións das persoas que nos rodean, e que teñamos a capacidade de identificalas, implica comprender e aceptar o que a outra persoa sente sen xulgala.
Lourdes Otero orientadora do IES Xosé Neira Vilas comparte este emocionario para que aprendamos a expresar como nos sentimos segundo distintas variables situacionais.
Presentámosvos esta Guía co fin de que o persoal docente teña información e ferramentas precisas para saber o que cómpre facer ante sospeitas ou coñecemento dunha situación de violencia de xénero, xa que unha adecuada intervención inicial pode ser fundamental para lograr unha eficaz atención e resolución destes casos.
Preme na imaxe para acceder á Guía
Presentámosvos este libro de Ángels Ponce e Miguel Gallardo que pretende que entendamos a discapacidade dun xeito sinxelo.
Fainos ver que todos temos capacidades diferentes cando, por exemplo, somos capaces de identificar aquelas tarefas que nos supoñen máis esforzo e dificultade para levalas a cabo.
Ao resto, o que de verdade importa, é que nos demos conta de que todas as persoas con ou sen discapacidade temos moitas cousas en común.
Poñemos a vosa disposición una serie de materiais para festexar o Samaín.
Por una banda temos lecturas, exercicios de comprensión
lectora, pastempos, tarefas de recortar e colorear…. todas en galego e feitas
por compañeiros/as doutros coles.
Preme na imaxe para acceder ao caderno.
Ademais tamén temos cadernos de exercicios para traballar a atención e a comprensión lectora.
Manu Velasco recolle neste documento 18 ferramentas de moita utilidade para mestres.
Compartimos estes documentos que pretenden axudar a mellorar relacións, crear climas de confianza no seo familiar e previr e regular condutas agresivas.
A Editorial La Calesa fixo uns cadernos para traballar a lectura comprensiva, ortografía, expresión escrita, matemáticas.... todo organizado en cadernos por niveis e a disposición de familias, mestres e alumnado en xeral.
Para acceder preme no título do caderno que desexes.
O Programa E.S.E. (EU SON EU) é un Programa de Reforzo da Personalidade destinado ao alumnado de 4º de E.P. impartido por persoal da Asociación Érguete para a prevención e intervención en condutas aditivas.
Comezamos esta semana coas cinco aulas de 4º E.P. Entre os obxectivos do programa atopamos:
Desde a Comisión de Convivencia do centro crease un novo blog onde se irán subindo propostas para por en práctica nas aulas e si vos gusta, tamén nas casas. Propostas que van desde contos, dinámicas, curtametraxes, exercicios que nos fagan pensar e reflexionar….
As Fundacións INGADA e Mª José Jove publicaron unha guía de apoio ao estudo para o alumnado TDAH, pero tamén é de moita utilidade para alumnado en xeral.
A confederación Plena Inclusión España publicou a súa Guía rápida para un regreso seguro ás aulas, onde atopamos una serie de recomendacións e medidas que garantan unha volta ás aulas segura para o alumnado con discapacidade intelectual.
Compartimos esta presentación interactiva que recolle a web Orientación en Galicia con recursos e ferramentas para avaliar, crear vídeos e podcasts, recibir feedback…
Compartimos unha guía con actividades para o acompañamento emocional e para o inicio de curso do goberno de Navarra, contén actividades segundo as diferentes etapas, espero que vos guste e lle saquedes proveito.
Manu Velasco comparte na súa web Ayuda para maestros.com centos de ideas e recursos para este novo curso, merece a pena botarlle un ollo.
Compartimos este documento para familias e alumnado que se incorpora en 1º de Educación Primaria.
Nesta presentación podemos atopar as características da etapa, do noso centro, como axudar aos nosos fillos e fillas, a avaliación, o traballo neste primeiro curso….
Agradecer ao orientador Xusto Martínez por compartir os seus recursos e axudar a crear este documento.
Xa estamos no verán e propoñémosvos dúas webs de recursos e actividades para que as teñades en conta.
No verán hai tempo para todo.
FELIZ VERÁN
Preme na imaxe para acceder a web de actividades creativas para realizar con nenos no verán
Preme na imaxe para acceder a web de recursos educativos para aproveitar o verán en familia
Durante este tempo Manu Velasco foi facendo unha recompilación
de posts educativos destinados a familias e docentes.
Preme na imaxe para acceder ás distintas entradas.
En xuño, nos colexios comezamos a organizar o vindeiro curso,
un dos aspectos no que máis nos
centramos e nos cambios de etapa do alumnado; tanto alumnado que recibimos
(Alumnas e alumnos de 1º de E.P.) como alumnado que avanza cara a E.S.O.
Como anticipo compartimos con vós estes dípticos do
psicopedagogo Jesús Jarque que nos proporcionan algúns consellos para realizar
con éxito o paso de Educación Infantil a Educación Primaria e de Educación
Primaria a Educación Secundaria Obrigatoria.
Por outra banda o Gabinete de Convivencia e Igualdade de
Jaen propón neste material numerosas actividades, dinámicas e tarefas para o noso
Plan de Acollida, tal como di o documento a finalidade é clara: Facer grupo.
Lorena Conde Vázquez realizou esta “Guía para o
acompañamento emocional na casa durante o periodo de confinamento” co obxectivo
de axudar a abordar as emocións durante dito periodo e tentando que o alumnado
sexa quen de xerar o seu propio benestar emocional.
Propoñémosvos a continuación una serie de recursos que
consideramos podedes aproveitar si vos apetece.
1.
MATEMÁTICAS BÁSICAS de Dylar Edicións
1º E.P. Cálculo de restas sen levadas. Problemas de sumas e restas sen levadas.
2º E.P. Cálculo e problemas de sumas e restas combinadas.
3º E.P. Cálculo de multiplicacións de ata tres cifras. Problemas de ata catro operacións.
4º E.P. Cálculo e problemas de sumas e restas con expresións decimais.
5º E.P. Cálculo e problemas de iniciación aos números fraccionarios.
6º E.P. Medidas, unidades de superficie, áreas de figuras planas.
2.
FICHAS DESENVOLVEMENTO DA INTELIXENCIA da Editorial
Santillana.
A intelixencia é una capacidade que se compón de diferentes funcións mentais. Traballamos nestes cadernos a atención, o razoamento matemático, a memoria, a lóxica, a comprensión verbal entre outras.
3.
MARATÓN NA CASA do gabinete psicopedagóxico Orientamedia
Material para traballar a comprensión lectora de xeito divertido
4.
CANLE DE YOUTUBE DO MUSEO DO PRADO
O Museo do Prado ofrece vídeos nunha canle de Youtube que explican dun
xeito divertido e entretido moitas das obras de arte presentes no museo.
5.
CONTOS DA PROFE ZAIDA
A profe Zaida ten varios contos para nós, todos están nunha canle
de Youtube e de seguro irán aparecendo máis e máis segundo pasen os días.
Grazas profe Zaida.
Contos da canle:
La verdad sobre los dinosaurios
6. FUNCIÓNS EXECUTIVAS.
As funcións executivas son un conxunto de capacidades cognitivas relacionadas entre si que inclúen un ou máis dos seguintes aspectos: Control atencional, planificación de metas e resolución de problemas, flexibilidade cognitiva de pensamento e acción, formación e abstracción de conceptos e procesamento da información... entre outras.
Nesta presentación do EOE de Cehegin dinos como se poden traballar, sen lapis, sen tablet.
Compartimos con vós esta recompilación que fixo Manu Velasco no seu blog “Ayuda para maestros”
|
IDEA |
FERRAMENTA |
|
PRESENTACIÓN DIXITAL |
|
|
INFOGRAFÍA |
|
|
CONCURSO DE PREGUNTAS |
|
|
BANDA DESEÑADA |
|
|
LIÑA DO TEMPO |
|
|
MAPA CONCEPTUAL |
|
|
PODCAST |
|
|
BLOG OU WEB |
|
|
VÍDEO |
|
|
ENCERADO OU MURAL DIXITAL |
|
