GUÍA DE RECURSOS #euquedonacasa

Quixera que coñecerades esta Guía con recomendacións, recursos, consellos, visitas virtuais, lecturas, contos....  Para nenos e adultos, elaborada pola Asociación Participa en colaboración coa Fundación Mª José Jove esperemos que axude a que a corentena se pase dunha forma máis pracenteira. 

Preme na imaxe para acceder á Guía

Cóntoche un conto?

10 IDEAS CLAVE SOBRE NEUROEDUCACIÓN

A neuroeducación estuda o papel que xoga o cerebro no proceso de ensinanza aprendizaxe do alumnado. 

Francisco Mora doutor en Neurociencia e Mediciña, neste vídeo,  introduce o tema para ir facendo boca.

1. Comezamos a aprender desde o mesmo momento do nacemento, ou antes e non deixamos de facelo durante toda a vida. As experiencias van modificando o noso cerebro.

2. Emoción e aprendizaxe van unidas. Na emoción é onde residen os fundamentos básicos dunha boa ensinanza. Sen emoción non hai unha aprendizaxe sólida e coherente.

3. A curiosidade é a chave que abre as ventás da atención. Precisamos fomentar a curiosidade desde os primeiros anos, as ganas de aprender e a expectación polo novo e o diferente.

4.Sen atención non hai aprendizaxe.

5. O cerebro non finaliza a súa maduración ata pasada a adolescencia e esta etapa é axeitada para a aprendizaxe, o desenvolvemento da creatividade e o crecemento persoal.

6. As persoas aprendemos de maneira diferente e  beneficiámonos da interacción coa diversidade. Que aprendan xuntos estudantes con diferentes ritmos e capacidades constitúe unha riqueza.

7. Cooperación, traballo en equipo e diálogo son mecanismos fundamentais para aprender. Estamos programados para aprender a través da imitación e da interacción xa que o noso cerebro é basicamente social.

8. O xogo libre, a creatividade e imaxinación facilitan a aprendizaxe. O éxito académico e persoal esixe atender ás necesidades sociais, emocionais e físicas. Para facilitar unha aprendizaxe eficiente temos que promover a E.F. o xogo, a educación artística e a educación socio-emocional.

9. O vínculo afectivo e as expectativas dos adultos condicionan a aprendizaxe dos nenos e adolescentes. As competencias emocionais e sociais deben complementar as competencias cognitivas. Os programas de educación emocional contribúen ao benestar persoal e social.

10. O movemento e o exercicio físico son fundamentais para o desenvolvemento do cerebro e a consolidación da memoria.

WEB ATOPA

Desde o Departamento de Orientación do CEP Altamira queremos dar a coñecer a web ATOPA, un proxecto creado pola Asociación TEAVI que pretende evitar situacións de illamento que frecuentemente sofre o alumnado TEA.

A web ATOPA pretende fomentar a aplicación de instrumentos sociométricos nos centros educativos e conta cun apartado de Intervención no que poderemos atopar infinidade de recursos ordenados nos seguintes  apartados: Educación emocional, Educación en valores e Grupo-clase con vídeos, dinámicas, apps,  publicacións e contos.

HISTORIA SOCIAL SOBRE O CORONAVIRUS CON PICTOS ARASAAC (Feito por María Ayuso Albizu)

INFORMACIÓN SOBRE O COVID-19 CON PICTOS ARASAAC (Feito por Fátima García Doval)

AULAS GALEGAS

Desde o Departamento de Orientación do CEP Altamira queremos dar a coñecer un  portal educativo de moito interese para a comunidade educativa,  tal como eles mesmos se definen,  Aulas Galegas é: 

"Aulas galegas é un portal educativo realizado por un colectivo de profesoras e profesores sen ánimo de lucro que cremos que ante a situación de illamento provocada polo coronavirus Covid-19 debemos ofrecerlle unha axuda educativa á sociedade.

Aulas galegas nace para axudar ao alumnado, ás familias e o resto de profesorado a atopar recursos e materiais educativos en galego.

A nosa intención é ser unha fonte de recursos que sume no panorama educativo galego."

Neste portal poderemos  atopar infinidade de recursos organizados por niveis, temáticas, materias  e departamentos. 

Moita sorte e longa vida!

Libros para tempos de COVID-19

CONSELLOS PARA SOBRELEVAR MELLOR A CORENTENA