COMO AXUDAR AO ALUMNADO NEAE

Mª José Álvarez do IES Aricel en Granada comparte este documento con indicacións á hora de apoiar alumnado neae en aula.

Grazas por compartir con nós.

OUTUBRO. MES DE CONCIENCIACIÓN DO SÍNDROME DE RETT

O síndrome de Rett é unha enfermidade das denominadas raras, de orixe xenético e que ocurre case exclusivamente no sexo feminino.

O seguinte vídeo explícanos un pouco en que consiste.

O mes de outubro adícase á concienciación e a dar visibilidade a esta enfermidade,  ademais temos algunha compañeira que posa como modelo en distintos cartaces. Sodes capaces de atopala?

OBRADOIRO DE PREVENCIÓN DE CONDUTAS ADITIVAS E DE EDUCACIÓN AFECTIVO SEXUAL

Na pasada semana levouse a cabo a derradeira xornada do Obradoiro de prevención de condutas aditivas destinado ao alumnado de 5º E.P. e de educación afectiva-sexual para alumnado de 6º E.P.

Estes obradoiros foron impartidos polo equipo de psicólogos de Coidadosamente e contamos  coa colaboración da ANPA  Altamira para poder levar á cabo estas xornadas.

Mencionamos a continuación algún dos obxectivos que se traballaron en cada taller.

Obradoiro de condutas aditivas:

• Desenvolver competencias psicolóxicas :autoestima, tolerancia a frustración, autonomía e condución da ansiedade.
•  Potenciar o sentido crítico, resolución de conflitos e toma de decisión para un uso axeitado das redes sociais.
• Capacitar e desenvolver estratexias qie permitan superar a presión de grupo e a dependencia afectiva.
• Informar dos riscos da publicidade, internet e redes sociais.
• Fomentar o uso axeitado dos dispositivos electrónicos.
• Promocionar os hábitos de vida saudables e xestión do tempo libre e ocio.

Obradoiro de educación afectiva-sexual:

• Desenvolver valores que fomenten a igualdade entre homes e mulleres, prevención da violencia de xénero ou de actitudes e comportamentos discriminatorios pola orientación sexual ou identidade de xénero.
• Propiciar dinámicas para identificar, analizar e rexeitar situación de abuso, marxinación e discriminación por razón de xénero na vida cotiá.
• Desenvolver unha actitude de naturalidade e respecto cara á sexualidade entendendo esta como unha forma de comunicación humana, fonte de saúde, pracer, afectividade e, cando se desexa reprodución.
• Ir consolidando unha identidade sexual libre de elementos de xénero discriminatorios, entendendo a plasticidade do feito sexual humano como unha realidade positiva e desenvolvendo hábitos, actitudes e condutas saudables arredor da sexualidade.
• Restablecer un dialogo e comunicación sobre os temas sexuais no interior do grupo de iguais, na familia e na escola; desenvolvendo un vocabulario preciso, non discriminatorio en relación coa sexualidade.
• Desenvolver unha actitude de naturalidade fronte á sexualidade, entendendo esta como forma de comunicación humana e fonte de saúde, pracer, afectividade…
• Desenvolver unha ética social, onde as relación entre as persoas estean baseadas na igualdade, no respecto e a responsabilidade.

-        Dicirvos que nais, pais e profesorado tamén tivemos a nosa parte;  nunha xornada que se desenvolveu o martes 28 de setembro cunhas charlas moi interesantes ofrecidas por Belén Montesa e Juan Carlos Permuy,  psicólogos de Coidadosamente, que ofertaron pautas para abordar e traballar estes temas dende a escola e dende a casa. 

PAUTAS DE ACOMPAÑAMENTO EMOCIONAL, A NIVEL PREVENTIVO E EN SITUACIÓNS DE CRISE.

Enmanuel Garibay, do blog "Orientación educativa en Guadalajara" oferta unha serie de propostas para mestres que desexen brindar acompañamento emocional ao seu alumnado no contexto da nova normalidade.

Divide as pautas en dous grupos, as que teñen un propósito preventivo e as que permiten a intervención en situacións de crise.

Pautas en situación de crise

OBRADOIRO "COÑECE E DECIDE" PARA ALUMNADO DE 4º DE E.P.

O Obradoiro Coñece e Decide é un Programa de Reforzo da Personalidade impartido por profesionais da asociación Érguete (Entidade de iniciativa social que traballa na prevención de condutas adictivas e problemas asociados) dirixido ao alumnado de 4º de E.P. do noso centro.

Os obxectivos do Obradoiro son, entre outros:

• Aprender a reflexionar sobre as súas propias accións e reforzar a toma de decisións.
• Establecer estratexias de afrontamento e comprender a importancia do valor do respecto.
• Aprender a escoitar activamente e valorar e respectar as opinións das demais persoas.
• Expresar as súas preferencias sentíndose persoas integradas e respectadas polo grupo.
• Sensibilizarse cos sentimentos alleos, valorando a sinceridade e a confianza.
• Aprender a relacionarse expresando desagrado cando sexa preciso sen molestar.
• Establecer vínculos claros con persoas afíns, limitando a súa influencia sobre o desenvolvemento da personalidade.
• Aprender a dar e recibir na mesma proporción nas relacións persoais.

DEPARTAMENTO DE ORIENTACIÓN CURSO 21/22